2Pe 2 | AAK | STEP | Eŋíná arí̵owe'yí̵ wí mimóní̵ wí̵á rókiamoarɨgí̵áwa nimónɨro wigí̵ ámáyo yapí̵ ure'wapɨyagí̵ápa axí̵pɨ segí̵ imónɨgí̵áyí̵ wí mimóní̵ seare'wapɨyarɨgí̵áwa nimónɨro ínɨmɨ nimónɨmáná xwɨyí̵á nepa mimóní̵ ámá nɨxí̵dɨróná xwɨrí̵á ikɨxe'nɨpaxí̵ imónɨŋí̵pɨ nɨseare'wapɨyiróná Ámɨnáo nɨperɨŋí̵pimɨ dánɨ ayo uroayíroŋí̵ eŋagɨ aí omɨ rí̵wí̵ umopí̵rí̵árɨnɨ. E nerɨŋí̵pimɨ dánɨ apaxí̵ me' wiárí̵ xwɨyí̵á meárɨnɨpí̵rí̵árɨnɨ.

2 Peter 2

“Mimóní̵ seare'wapɨyarɨgí̵áwamɨ Gorɨxo pɨrí̵ umamoní̵árɨnɨ.” urɨŋí̵ nánɨrɨnɨ.

1 Eŋíná arí̵owe'yí̵ wí mimóní̵ wí̵á rókiamoarɨgí̵áwa nimónɨro wigí̵ ámáyo yapí̵ ure'wapɨyagí̵ápa axí̵pɨ segí̵ imónɨgí̵áyí̵ wí mimóní̵ seare'wapɨyarɨgí̵áwa nimónɨro ínɨmɨ nimónɨmáná xwɨyí̵á nepa mimóní̵ ámá nɨxí̵dɨróná xwɨrí̵á ikɨxe'nɨpaxí̵ imónɨŋí̵pɨ nɨseare'wapɨyiróná Ámɨnáo nɨperɨŋí̵pimɨ dánɨ ayo uroayíroŋí̵ eŋagɨ aí omɨ rí̵wí̵ umopí̵rí̵árɨnɨ. E nerɨŋí̵pimɨ dánɨ apaxí̵ me' wiárí̵ xwɨyí̵á meárɨnɨpí̵rí̵árɨnɨ. 2 Uyí̵nií̵ yapí̵ seare'wapɨyanɨro epí̵rí̵áyí̵ epí̵rí̵á axí̵pimɨ segí̵ ámá obaxí̵ xí̵dɨpí̵rí̵árɨnɨ. E yarí̵ná ámá Jisasomɨ dɨŋí̵ mɨwɨkwí̵roarɨgí̵áyí̵ óí̵ Gorɨxomɨ nepa xɨxenɨ xí̵dɨpí̵rɨ imónɨŋí̵yi nánɨ ikayí̵wí̵ mearɨpí̵rí̵árɨnɨ. 3 Ámá yapí̵ seaíwapɨyanɨro epí̵rí̵áyí̵ sɨŋwí̵ í̵wí̵ wɨnárarɨgí̵áyí̵ eŋagí̵a nánɨ yapí̵ nɨseaíwapɨyirɨŋí̵pimɨ dánɨ segí̵ amɨpí í̵wí̵ searápɨpí̵rí̵árɨnɨ. Xwɨyí̵á Gorɨxo eŋíná dánɨ “Ayo xwɨyí̵á numeárɨrí̵ná e wikárí̵ɨmɨgɨnɨ.” yaiwiáragí̵pɨ sɨnɨ pɨyí̵á mɨwenɨnɨ. “Xwɨrí̵á nɨwikɨxerí̵ná e wikɨxe'ɨmɨgɨnɨ.” yaiwiago sá mɨwenɨnɨ. 4 Ayí̵ rɨpɨ nánɨ seararɨŋɨnɨ. Eŋíná aŋí̵nají̵ wa í̵wí̵ e'áná Gorɨxo axí̵pɨ xe ámɨ ámɨ e'í̵rɨxɨnɨrɨ sɨŋwí̵ mɨwɨní̵ mɨmenɨŋwí̵ meárɨnɨpí̵rí̵e nɨmamówárɨrí̵ná sí̵á xí̵o pɨrí̵ umamoní̵áyi nánɨ sirɨrɨkí̵ sí̵á anɨŋí̵ yinárɨnɨŋí̵yómɨnɨ wárɨŋɨnigɨnɨ. 5 Ámá eŋíná xwí̵á rɨrímɨ nɨŋwearóná rɨkɨkɨrí̵ó yagí̵á ní̵nɨ enɨ Gorɨxo xe anɨŋí̵ e nero ŋweáí̵rɨxɨnɨrɨ sɨŋwí̵ mɨwɨní̵ xwɨrí̵á nɨwikɨxerí̵ná xí̵oyá dɨŋí̵ tí̵nɨ iniɨgí̵ waxí̵ nɨróga nɨwiápí̵nɨmearɨ ayo nɨpɨkirɨ aiwɨ Nowaomɨ —O ámá ayí̵ ayo “We' rónɨŋí̵ imónɨŋí̵ Gorɨxo wimónarɨŋí̵pɨ apɨrí̵anɨ?” oyaiwípoyɨnɨrɨ wáí̵ uragorɨnɨ. Omɨ tí̵nɨ xegí̵ ámá we' wí̵u'mɨ dáŋí̵ wau'mɨ tí̵nɨ Gorɨxo yeáyí̵ wimɨxɨmeaŋɨnigɨnɨ. 6 Eŋíná ámá aŋí̵ Sodomɨ tí̵nɨ Gomora tí̵nɨ apiau'mɨ ŋweaagí̵áyo enɨ Gorɨxo xwɨyí̵á numeárɨrí̵ná “Sɨnɨ bɨ tí̵nɨ ŋweapaxí̵yí̵manɨ.” nɨyaiwirɨ aŋí̵ apiau'mɨ rí̵á mamówáráná rí̵á nɨnowárɨrɨ uráwí̵nɨ imónɨŋɨnigɨnɨ. Gorɨxo e nɨwikárɨrɨŋí̵pimɨ dánɨ ayí̵ tí̵ŋí̵ e íná dánɨ ámá xí̵o wimónarɨŋí̵pɨ mɨxí̵darɨgí̵áyo sɨŋwepɨgí̵ nɨwirɨ nene enɨ axí̵pɨ neaímeanɨgɨnɨrɨ e'í̵ owinɨnɨrɨ erɨrí̵ wiŋɨnigɨnɨ. 7 Ámá aŋí̵ apiau'mɨ ŋweaagí̵áyo e nɨwikárɨrɨ aiwɨ Rotomɨ —O ámá we' rónɨŋí̵ worɨnɨ. Ámá aŋí̵ apiau'mɨ ŋweaagí̵áyí̵ rɨkɨkɨrí̵ó ayá wí yarɨŋagí̵a nɨwɨnɨrɨ nánɨ dɨŋí̵ rí̵á uxeŋorɨnɨ. Omɨ enɨ Gorɨxo yeáyí̵ wimɨxɨmeaŋɨnigɨnɨ. 8 Ámá we' rónɨŋí̵ o ámá ayí̵ tí̵nɨ nawínɨ nɨŋwearí̵ná ayí̵ rí̵á kɨroarɨgí̵ápɨ sɨŋwí̵ wɨnɨrɨ arí̵á wirɨ nerí̵ná sí̵á ayí̵ ayo íkí̵nɨŋí̵ sɨpí wirɨ dɨŋí̵ rí̵á uxerɨ yagí̵ eŋagɨ nánɨ rarɨŋɨnɨ. 9 Gorɨxo sɨŋwepɨgí̵ e e yayiŋí̵ eŋagɨ nánɨ nene ananɨ dɨŋí̵ re yaiwipaxí̵rɨnɨ, “Ámɨnáo ámá xí̵o wimónarɨŋí̵pimɨ xí̵darɨgí̵áyo í̵wí̵ e'í̵rɨxɨnɨrɨ wikárarɨgí̵ápimɨ dánɨ ananɨ yeáyí̵ wimɨxɨmeapaxí̵rɨnɨ. Ámá we' rónɨŋí̵ imónɨŋí̵pɨ mɨyarɨgí̵áyo sí̵á xí̵o ámá nɨyonɨ mí ómómɨxɨmí̵ ení̵áyi tí̵ŋí̵ e nánɨ ananɨ pɨrí̵ numamóa nurɨ awí umeŋweapaxí̵rɨnɨ. 10 Ámá sɨwí̵ piaxí̵ weánɨpaxí̵ imónɨŋí̵ í̵eapá winarɨŋí̵pɨ oyaneyɨnɨro niponɨga uro seáyɨ e umeŋweagí̵áyo paimɨmí̵ wiro yarɨgí̵áyo aŋɨpaxí̵ sí̵á ayi tí̵ŋí̵ e nánɨ pɨrí̵ numamóa nurɨ awí umeŋweapaxí̵rɨnɨ.” Nene e yaiwipaxí̵rɨnɨ.

“Mimóní̵ seare'wapɨyarɨgí̵áwa sɨpí rɨpɨ rɨpɨ yarɨgí̵áwarɨnɨ.” urɨŋí̵ nánɨrɨnɨ.

Mimóní̵ seare'wapɨyarɨgí̵áyí̵ “Nionɨ arí̵kí yarí̵ná apɨ nímeanɨrí̵enɨŋoɨ?” mɨyaiwí ayá nepeárɨmáná wigí̵ dɨŋí̵ tí̵nɨnɨ nɨxí̵dɨro aŋí̵nají̵ seáyɨ e wimónɨgí̵áwamɨ ikayí̵wí̵ numearɨróná eŋí̵ óí̵ bɨ yarɨgí̵ámanɨ. 11 E yarɨŋagí̵a aí aŋí̵najowa —Awa ámá ayí̵yá eŋí̵ sɨxí̵ eánɨgí̵ápimɨ seáyɨ e wimónɨgí̵áwarɨnɨ. Awa seáyɨ e nɨwimónɨro aí Ámɨnáoyá sɨŋwí̵ tí̵ŋí̵ e dánɨ xwɨyí̵á nuxekwí̵morí̵ná ikayí̵wí̵ bɨ umeararɨgí̵ámanɨ. 12 Ámá ayí̵ naŋwí̵nɨŋí̵ imónɨŋoɨ. Naŋwí̵yí̵ wí dɨŋí̵ neŋwɨperɨ mɨmoŋí̵yí̵rɨnɨ. Sa ámá í̵á nɨxero pɨkipí̵rí̵a nánɨ miarɨŋí̵yí̵rɨnɨ. Naŋwí̵yí̵ dɨŋí̵ rí̵á nɨxeyánɨrɨ yarɨŋí̵pa ámá ayí̵ enɨ axí̵pɨ e nero amɨpí ayí̵ mají̵á imónɨgí̵ápɨ nánɨ ikayí̵wí̵ meararɨgí̵á eŋagɨ nánɨ ámá naŋwí̵yo pɨkiarɨgí̵ápa ámá ayo enɨ Gorɨxo waní̵nɨmɨxɨní̵árɨnɨ. 13 E yarí̵ná ámá omɨŋí̵ egí̵ápɨ nánɨ nɨgwí̵ meaarɨgí̵ápa ámá ayí̵ enɨ axí̵pɨ wigí̵ sɨpí egí̵ápɨ tí̵nɨ xɨxenɨ wímeaní̵árɨnɨ. Ikwáwɨyíná aí pí pí í̵eapá winí̵í̵pɨ sa “Ímí̵ tí̵nɨ oyaneyɨ.” nɨwimónɨro yayí̵ ne'ra warɨgí̵áyí̵rɨnɨ. Ayí̵ seyí̵ne' tí̵nɨ nawínɨ nerɨmeánɨro aiwá sí̵aŋí̵ nɨnɨróná wigí̵ í̵eapá winarɨŋí̵pɨ ayá wí nero seyí̵ne' sɨyikwí̵nɨŋí̵ nɨseaxe'nɨrɨ nánɨ ayá onɨmiá mɨseainarɨŋí̵rɨnɨ. 14 Apɨxí̵ í í tí̵nɨ í̵wí̵ oinaneyɨnɨrɨ ero í̵wí̵ nánɨ wimónarɨŋí̵pɨ wí mɨwáramó ero yarɨgí̵áyí̵rɨnɨ. Ámá Jisasomɨ dɨŋí̵ nɨwɨkwí̵roro aí sɨnɨ nɨpɨkwɨnɨ dɨŋí̵ aumau'mí̵ minɨgí̵áyo nene yarɨŋwápa axí̵pɨ oe'poyɨnɨrɨ wipiomeaarɨgí̵árɨnɨ. “Ámáyá amɨpí apɨ nionɨ meapaxí̵pɨrɨnɨ.” nɨyaiwiro e'wapí̵gí̵ inarɨgí̵á eŋagɨ nánɨ Gorɨxo “Rɨxa xwɨrí̵á wikɨxe'ɨmɨgɨnɨ.” rárɨŋí̵yí̵rɨnɨ. 15 Ayí̵ óí̵ Gorɨxo oxí̵dí̵poyɨnɨrɨ wimónarɨŋí̵yimɨ pí̵nɨ nɨwiárɨmɨ xarɨxarí̵nɨŋí̵ ne'ra xeŋwí̵mɨnɨ nuro nánɨ eŋíná sɨpí wí̵á rókiamoagí̵ Beramoyɨ rɨnɨŋo —Omɨ xano Biorɨnɨ. O yagí̵pimɨ ikanɨŋí̵ yarɨgí̵árɨnɨ. O nɨgwí̵ nánɨ aga ayá wí nɨwimónɨrɨ nánɨ “Pí pí sɨpí imónɨŋí̵pɨ aí nerí̵ná nɨgwí̵ nɨmearɨ nánɨ ayí̵ ananɨ emí̵ɨnɨ.” yaiwiagorɨnɨ. O ámá wo rɨxɨŋí̵ re uráná, “Isɨrerɨyí̵ Gorɨxomɨ rí̵wí̵ numoro ŋwí̵á xegí̵ bɨ imónɨŋí̵pimɨ xí̵dɨpí̵rɨ nánɨ ikayí̵wí̵ tí̵nɨ uramɨxeɨ.” uráná o “Nɨgwí̵ meámɨnɨrɨ nánɨ ananɨ sɨpí apɨ oemɨnɨ.” yaiwiarí̵ná dogí xwɨyí̵á nánɨ nɨjí̵á mimónɨŋí̵ aí wo ámá xwɨyí̵á nɨrɨrí̵nɨŋí̵ axí̵pɨ nɨrɨrɨ mɨxí̵ nurɨrɨ wí̵á rókiamoarɨŋo dɨŋí̵ rí̵á nɨxeyánɨmáná “Oemɨnɨ.” yaiwiarɨŋí̵pɨ pí̵rí̵ wiaíkímoŋɨnigɨnɨ.

17 Ámá ayí̵ iniɨgí̵ sɨmɨŋí̵ ná mɨwe' yeáyí̵ yárɨŋí̵yí̵nɨŋí̵ imónɨro kɨpɨŋí̵ nɨyirí̵ná agwí̵ kí̵kí̵á yáráná iniá ná meá ámɨ imɨŋí̵ nɨpɨpemɨ warɨŋí̵pánɨŋí̵ imónɨro eŋagí̵a nánɨ sirɨrɨkí̵ anɨŋí̵ sí̵á yinárɨŋí̵yi ayí̵ nánɨ rɨxa anɨŋí̵ meaxárí̵ó yárɨnɨnɨ. 18 Ayí̵ rɨpɨ nánɨrɨnɨ. Ámá ayí̵ “Nionɨ pí pí nɨnimónɨrí̵ná ananɨ emí̵ɨnɨ.” nɨrɨro weyí̵ e nɨmearɨnɨrɨŋí̵pimɨ dánɨ ámá óí̵ xeŋwí̵mɨnɨ nu'í̵asáná pí̵nɨ nɨwiárɨmɨ Jisasomɨ dɨŋí̵ wɨkwí̵roarɨgí̵áyí̵ tí̵nɨ iwamí̵ó kumɨxɨnanɨro yarɨgí̵áyo wíwapɨyarɨgí̵árɨnɨ. Í̵wí̵ nene yarɨŋwápɨ axí̵pɨ oe'poyɨnɨrɨ wipiomearo í̵eapá wiwanɨŋí̵yí̵ winí̵í̵pimɨ dánɨ sɨpí oe'poyɨnɨrɨ wíwapɨyiro yarɨgí̵árɨnɨ. 19 Nɨwipiomearí̵ná í̵wí̵ wiwanɨŋí̵yí̵ yarɨgí̵ápɨ gwí̵ í̵ánɨŋí̵ uxɨrárɨŋagɨ aí mimáyo dánɨ re seararɨgí̵árɨnɨ, “Seyí̵ne' nene yarɨŋwápa axí̵pɨ neróná wí gwí̵ í̵ánɨŋí̵ seaxɨrɨpaxí̵ menɨnɨ.” seararɨgí̵árɨnɨ. E seararɨŋagí̵a aí ámá í̵wí̵pɨ nánɨ anɨŋí̵ mí̵rogwí̵nɨŋí̵ nanɨrí̵ná ayí̵ rɨxa gwí̵ í̵ánɨŋí̵ uxɨrárɨŋagɨ nánɨ rarɨŋɨnɨ. 20 Ámá negí̵ Ámɨná Jisasɨ Kiraiso —O negí̵ yeáyí̵ neayimɨxemeaarɨŋorɨnɨ. Ámá o nánɨ nɨjí̵á imónɨgí̵ápimɨ dánɨ sɨwí̵ amɨpí xwí̵á tí̵yo ŋweagí̵áyo piaxí̵ weánarɨŋí̵pimɨ nɨwiaíkiárɨmɨ numáná ámɨ axí̵pɨ nero nánɨ apimɨ gwí̵ í̵ánɨŋí̵ uxɨrárɨŋáná nerónáyí̵, ayí̵ sɨpí rí̵wí̵yo imónɨpí̵rí̵ápɨ xámɨ imónɨgí̵ápɨ tí̵nɨ xɨxenɨ imónɨpaxí̵manɨ. 21 Ámá ayí̵ óí̵ we' rónɨŋí̵ imónɨŋí̵yi nánɨ sɨnɨ nɨjí̵á mimónɨpa nero sɨŋwɨrɨyí̵, sɨpí ayá wí wímeámɨnɨrɨ eŋí̵pɨ wímeapaxí̵ aiwɨ óí̵ we' rónɨŋí̵ imónɨŋí̵yi nánɨ nɨjí̵á nimónɨmáná sekaxí̵ ayá tí̵ŋí̵ none searɨŋwápɨ nɨwiaíkiro rí̵wí̵mɨnɨ mamoarɨgí̵a nánɨ sɨpí imónɨŋí̵ ámɨ bɨ tí̵nɨ ná seáyɨ e wímeaní̵árɨnɨ. 22 Ewayí̵ xwɨyí̵á nene íníná re rɨnarɨŋwá rɨpiau' tí̵nɨ xɨxenɨ yarɨgí̵árɨnɨ, “Sí̵wí xwɨrí̵á nɨdárɨmáná ámɨ nurɨ manarɨŋí̵rɨnɨ. Odɨpí ámá wayí̵ píránɨŋí̵ nɨroárɨmáná eŋáná ámɨ xwɨrɨŋwí̵yo gí̵nií̵ inarɨŋí̵rɨnɨ.” rɨnarɨŋwápiau' tí̵nɨ xɨxenɨ yarɨgí̵árɨnɨ.